4/6 Lavadoiro de Espedrigada

Achegamos a ficha do lavadoiro de Espedrigada, a información do resto de lavadoiros a podedes atopar no documento > Os lavadoiros de Coia

_localización

Collemos a avenida de Balaídos en dirección Castrelos. Á altura do número 58 desviámonos á esquerda, cara a rúa Espedrigada. Camiñamos uns 60 metros, e á dereita atopamos o lavadoiro.

As súas coordenadas son 42.21315, -8.73595.

O seu entorno orixinal está completamente desfigurado. Atópase encaixado entre dous edificios e a rúa Espedrigada, sendo lugar habitual de aparcamento de coches.

_descrición

Está construído con perpiaño, co interior está revestido con azulexo. A súa pía é rectangular, e ten unha fila de lousas perimetrais en tres dos seus lados, para lavar a roupa.

Presenta unha cuberta de formigón a dúas augas sostida por seis piares, e ten un peche de formigón en dous dos seus lados.

_documentación histórica

Non atopamos documentación histórica asociada a este lavadoiro.